Antton Negeluak sortürik - 2014

1636.Hasparren[B.34]

Catégorie : Autres Publication : samedi 8 juillet 2017

 

Le treiziesme jour du mois d'octobre mil six cens trante six au lieu et parroisse de Hasparen au bailliage du Labourt avant midy par devant moy notaire royal soubz signés et présans les tesmoingz bas nommés ont esté personnellement establis en leurs personnes Joannes d'Aguerre abbé, Marticot, sieur de Harispe, Ogier d'Iharse, Pedro d'Etchemendy et Joanicot sieur d'Uhart, juratz de ladite parroisse de Hasparren et habitans en icelle, comme ayant charge expresse du reste des autres manans et habitans dudit Hasparren pour passer le contenu ez présent ainsy qu'appert par procuration donné par lesdits manans et habitans aux députés de ladite communauté et comme s'ensuit le pouvoir par icelles audit abbé et juratz donné le vingt deuziesme jour du mois de septembre mil six cens trante six au lieu et parroisse de Hasparren au bailliage de Labourt après midy par devant moy notaire royal soubz signé, présans les tesmoings bas nommés ont esté présans en leurs personnes Pierre de Harispe et Joannes de Larsabal du quartier de Mintzotz, Martin de Thert et Pierre de Etchemendy du quartier de Selhay, Joantho sieur de Labiaguerre et Joannes de Labirigoytz du quartier de Labiria, Pedro de Hariague et Petry de Camoz du quartier de Harana, les tous députés du reste des autres manans et habitans dudit Hasparren et habitans en icelle pour passer le contenu ez présans, ainsy qu'appert par procuration retenu par moydit notaire, lesquels de leur bon gré tant pour eux que faisant pour tous les autres manans et habitans dudit Hasparen, ont bailhé plain pouvoir et puissance, estans assistés de Messire Clémend de Moneins seigneur baron dudit lieu, Sault et autres places, sçavoir à Joannes d'Aguerre sieur de Laby, Ogier d'Iharse, Joanicot d'Uhart, Marticot de Harispe et Pedro de Etchemendy, abbé et juratz de ladite parroisse de Hasparen, ce jourd'huy retenu en ladite charge. Illec présans et ladite charge acceptans de pouvoir au nom tant desdits députés que du reste des autres manans et habitans dudit Hasparen, emprunter telles sommes des deniers qu'il conviendra, tant pour les gaiges des soldatz de la présante parroisse enrollés pour la part et portion de mille hommes et pour tous autres affaires regardant le servide du roy, (bus?) et proffest de ladite communauté pendant les présans troubles et mouvements, et icelles services donneront par après cognoysance au capito au général des affaires d'icelle communaulté suivant les occurrances et pendant leur charge en la présante année. Ce faict auront tous pouvoirs d'emprunter à tout temps le (vitessan) pour le proffest d'icelle dicte communaulté sans aultre dol ny fraude et passeront au nom de ladite communaulté telz contractz obligatoires et nécessaires sera, promettant lesdits députés tant pour eux et audit nom du reste des autres manans et habitans dudit Hasparen avoir et tenir bon tous ce que par lesdits abbé et juratz sera faict, dict, géré et négotié et leu ez récésver, indempné à peyne de tous despans, domages et interestz. A ces fins ont obligé leurs biens et causes ensamble celles de ladite communaulté qu'ilz ont le tout soubzmis à toutes rigueurs de justice et cours à quy la cognoysance en appartiendra et ainsy ont promis et juré tenir et ny contrevenir ez présance de Messire Jehan (S.J.Bryfoz?) prebtre et Me Dominique de Bidart aussy prebtre, curé de St Martin de Garro, tesmoings à ce requis et appellés, lesquelz se sont signé avec ledit seigneur de Moneins à la cedde des présans et que n'ont fait les autres pour ne sçavoir escripre, interpellés de ce faire par moy de Berrouette, lesquelz d'Aguerre, Harispe, d'Iharse, Etchemendy et d'Uhart, abbé et juratz susdits l'un pour l'autre et ung seul d'eux pour le tout, renoncer à tout division, (des?), ordre de droict mesme à la Coustume dudit Labourt et le tout leur a esté donné à entendre par moy notaire. De leur bon gré, pure, franche et agréable volonté ont recogneu et confessé debvoir donner (Bus?) et loiaulment à Messire Clémend de Moneins seigneur baron dudit lieu et d'autres places absant, Ogier de Labiryryz son messager avec moydit notaire et personne publique, stipullant et aceptant sçavoir est la somme de six cens cinquante livres tournois et ce pour raison de (recuilement?) comptant faict par ledit sergent ausdits abbé et juratz, tant en pièces de cinquante huict soulz vingt que autre bonne monnoye pour icelle somme employer pour payer les soldatz quy sont pour le service du roy vers la frontière d'Espaigne pour empescher les mauvais dessains de l'ennemy espaignol ainsy que lesdits abbé et juratz ont déclaré renoncent à tout erreur de compte, exeption de (perm?) nos comptes, nombrée, prinse et revenu, et le tout n'avoir esté employé à ce dessus et pour le service du roy et san (neu?) ez (rus?) (ing?) ny prejudicier aux autres contractz passés entre ledit seigneur et redite les susdits abbé et juratz et autres abbé et juratz de l'année passée, lesquelz demeureront à leur fo(?) et rigueur, laquelle susdite somme de six cens cinquante livres tournois ont lesdits Harispe, d'Iharse, Etchemendy et d'Uhart, abbé et juratz susdits promis payer, bailher et délivrer audit seigneur de Moneins ou autre ayant de lieu droict et cause, dans ung an à compter d'huy, datte des présantes, en argent comptant rendu à son chateau de Barcuix à peyne de tous despans, domages et intérestz, à ce et fins ont obligé et ypothéqué leurs personnes et biens, ensemble celles de ladite communaulté quelconques, meubles et inmeubles présans et advenir qu'ilz ont le tout soubzmis à toutes rigueurs de justice et par exprès leurs biens et personnes à celle de l'entretènement des sels et contresel royalestably aux contractz ez tous lieux et endroictz de ce royaulme, et ainsy ont promis et juré tenir et ny contrevenir, Me Dominque de Bidart prebtre curé de St Martin de garro et Joannes de Hod meusnier habitan dudit Hasparen, tesmoings à ce requis et appellés, lequel de Bidart s'est signé à l'original des présantes et que n'ont faict les autres pour ne sçavoir escripre, interpellés de ce faire par moy.

 

Signature  : De Berrouette, notaire royal

 

 

 

Archives du Gers  : I-1651

 

Photos  : 2444à 2447